68 №-li tam orta məktəb

I Vətən müharibəsində ölkəmizin müstəqilliyi, suverenliyi və ərazi bütövlüyü uğrunda canını fəda etmiş Bəhmənov Zakir Yusif oğlunun şəhidlik zirvəsinə ucaldığı gündən 30 il keçir. Anım Günü ilə əlaqədar məktəbin müəllim və şagird kollektivi B. Zakirin məzarını ziyarət edib, Lalə Babayeva şəhidimizin şərəfli həyat və döyüş yolu, torpağa, milli-mənəvi dəyərlərə bağlılığı, müqəddəs şəhidlik zirvəsinə yüksəlməsindən bəhs edib.

24.04.2024-cü il tarixində Heydər Əliyev mərkəzinə ekskursiya təşkil edilib. Ekskursiyada məktəbin 3 müəllimi və şagird kollektivi iştirak edib. Şagirdlər ekskursiya zamanı qədim geyimlər, əşyalar və bir çox eksponatlarla tanış olub, Ulu öndər Heydər Əliyevin həyatını əks etdirən sənədli filmə baxaraq məlumatlara yiyələniblər.

Hər il aprelin dördüncü həftəsinin dördüncü günü bütün dünyada “İKT-də Qızlar” günü kimi qeyd edilir. “İKT-də Qızlar” günü Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində ixtisaslaşdırılmış qurumu olan Beynəlxalq Telekommunikasiya İttifaqı (BTİ) tərəfindən təsis edilib.
Bu münasibətlə Bakı Avropa liseyində təlim təşkil olunub. Məktəbimizin 6a və 6b sinif şagirdləri bu təlimdə Lazer CNC aparatında naxışların hazırlanması çapa verilməsini müşahidə ediblər.

VI siniflərdə tədris dili, riyaziyyat və təbiət fənləri üzrə monitorinqlər keçirilib. Monitorinqlərdə istifadə edilmiş suallar təqdim edilmiş çərçivə sənədi əsasında hazırlanıb. Əsas məqsəd şagirdlərin həmin fənlər üzrə bilik və bacarıqların mövcud vəziyyətini, öyrənmə ehtiyaclarını, vaxtı idarəetmə bacarıqlarını inkişaf etdirmək və bu istiqamətdə kompleks fəaliyyətləri həyata keçirməkdir. Monitorinqlərin düzgün və şəffaf keçirilməsinə məktəb rəhbərliyi tərəfindən nəzarət edilib.

IV siniflərdə tədris dili və riyaziyyat fənlərindən məzmun xətləri üzrə nailiyyətlərin ölçülməsi və dəstək proqramlarının həyata keçirilməsi məqsədilə məktəbdaxili monitorinqlər təşkil edilib. Monitorinqlərin düzgün və şəffaf keçirilməsinə məktəb rəhbərliyi tərəfindən nəzarət edilib .