NARKOMANİYA İLƏ BAĞLI GÖRÜŞ KEÇİRİLİB
Fevralın 29 - da liseyimizdə Nəsimi rayon Polis İdarəsinin rəisi polkovnik-leytenant Mirnemət Mirbabayev və digər Nəsimi rayon Polis İdarəsinin əməkdaşları ilə görüş keçirilib. Görüşdə narkomaniyanın törətdiyi fəsadlar haqqında geniş məlumat verilib.
Narkomaniya ilə mübarizə sağlam cəmiyyətin formalaşması baxımından əsas məqsəd və vəzifələrdəndir. Azərbaycanın dövlət siyasətində başlıca vəzifə olan, sağlam nəslin formalaşması istiqamətində həyata keçirilən tədbirlər sırasında mühüm istiqamət kimi diqqətə yetirilən narkomaniya ilə mübarizə davamlı siyasətdir.
Narkotiklərdən qorunmağın ən yaxşı yolu ondan heç vaxt istifadə etməməkdir. Narkomaniyanın yayılması hər kəsin sağlam həyat tərzi üçün təhlükə törədir.
