Texniki-Humanitar Lisey

 Liseydə "Dəyərlərimizi qoruyaq" adlı Novruz  bayramı tədbir təşkil edildi.Hər bir xalqın dili, dini, milli geyimləri, bayramları, adət-ənənələri, simvolları olduğu kimi bizimdə özümüzə aid milli dəyərlərimiz var.Ulu Öndər Heydər Əliyevində dediyi kimi "Biz öz milli mənəvi dəyərlərimizlə, dini dəyərlərimizlə, adət-ənənələrimizlə fəxr edirik".Keçirilən tədbirdə xalqımızın qədim tarixini əks etdirən, milli adət və ənənələrimizi özündə birləşdirən Novruz bayramının tarixi, su, od, yel və torpaq çərşənbələrinin mahiyyəti, Novruz atributları haqqında şagirdlərə geniş məlumat verildi.Novruz bayramı münasibətilə guşə və müxtəlif nominasiyalar üzrə müsabiqələr təşkil olundu.Şagirdlərin rəqs kompozisiyaları izlənildi.

  Liseyimizin "8H" sinif şagirdi Səid Əsədli Beyin Olimpiada Mərkəzi-İngilis dili olimpiadasının I mərhələ, IMEC Online olimpiadası Bronze medal, American Matematics olympiad (AMO) Participated sertifikat, Cambridge olimpiadası Silver medalı qazanmışdır.Şagirdimizi təbrik edir, gələcəkdə uğurlar arzu edirik.

 2023-cü il mayın 10-da Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olur.Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir.Liseyin tarix müəllimi Quliyev İslamın təşkilatçılığı ilə keçirilən açıq dərsdə H.Əliyevin zəngin həyat yolu və müstəsna fəaliyyətindən bəhs edildi.Sonda videoçarx izlənildi və şagirdlər çıxışlar etdilər.

 Liseyin "8F" sinif şagirdi Nəzrin İbişova Azərbaycan Taekvando Federasiyası "CƏSUR" Taekvando klubunun təşkili ilə klublararası döyüşlərdə 47 kq. çəki dərəcəsində I yerə layiq görülmüşdür.

 Elm və Təhsil Nazirliyi 8 Mart - Beynəlxalq Qadınlar Günü münasibətilə #QadınGülərsə sosial kompaniyasına start verir.Texniki Humanitar lisey rehbərliyi olaraq bu kompaniyaya qoşuluruq.Əziz və dəyərli xanımlarımız, bayramınız mübarək olsun! #QadınGülərsə, dünya gülər ! #QadınGülərsə, zəkalar işıqlanar!