99 №-li tam orta məktəb

SON ZƏNG
Ömrümüzün ən şirin, duyğulu və qayğısız günlərinin birləşdiyi məktəb illəri "Son zəng"in sədaları altında bitir. Bu zəngin sədaları isə ən çox XI-lərin qəlbinin simlərini titrədir. Bu zəng ilə XI-lər tənəffüs üçün dəhlizə yox, müstəqil həyat üçün yeni mərhələyə qədəm qoyurlar.
...Bu səs “SON ZƏNG”in səsidir... Bu zəngə “SON ZƏNG” deyirlər, amma zənnimizcə, o, son zəng deyil! Çünki o heç də son olaraq səslənmir! - Sizləri sonsuzluğa, bitib-tükənməyən fəaliyyətlərə, mübarizələrə, müvəffəqiyyətlərə uğurlayır! - Bəli, bu son zəng həyatınızdakı yeni bir mərhələnin başlanğıcıdır, fərqli aləmin, içində azadlıq, istək və arzuların reallaşmağa doğru getdiyi bir dünyanın astanasıdır! Bu zəngin adı SON ZƏNG olsa da, biz ona son deməyək! Həyəcandan, kövrək duyğulardan asılı olmayaq! Çünki bu günki dünya fərqlidir! - Onu idarə edə biləsən gərək! - Ondan asılı olmayasan gərək! - Onu gücün altında saxlamağı bacarasan gərək! Əziz məzunlar, bunun üçün də sizə yüksək başarılar, müasir dünyamızın qlobal tələblərinə uyğun güclü təhsil, zehin açıqlığı, ağıl və zəka gərəkdir!
Vətənimizin hər bir orta məktəblərində olduğu kimi, bu gün Binəqədi rayonu Həsən Cəbrayılov adına 99 nömrəli tam orta məktəbdə də “SON ZƏNG” günü qeyd edildi. Məktəbin XI-ləri həm sevinir, həm də kədərlənirdilər. Azərbaycan Respublikasının Dövlət Himni ilə başlanan tədbiri ilk öncə məktəbin direktoru Ofelya Məmmədova açıq elan etdi. O, ilk növbədə məktəbimizin adını həm idman sahəsində, həm də məktəblilərarası olimpiadalarda yüksəklərə qaldıran şagirdləri bir-bir təqdim edərək, öz təşəkkürünü bildirdi.
11“C” sinif rəhbəri, eləcə də məktəbimizin qocaman müəllimi Rəhilə Xələfova çıxış edərək XI-lərə xoş arzularını bildirdi. Söz həm qazi anası, həm də məktəbin tarix müəllimi Tahirə Bayramovaya verildi. O da öz növbəsində şagirdləri təbrik etdi.
Məktəb birinciləri və məktəbin VI sinif şagirdlərindən ibarət xor kollektivi səsləndirdiyi şeirlər və musiqiləri ilə XI-ləri təbrik etdilər. 11“A” sinif şagirdlərinın qızları “Şuşanın dağları” mahnısını öz gözəl rəqsləri ilə ifa etdilər.
Sonda məktəb direktoru Ofelya Məmmədova çıxış edərək ürək sözlərini ifadə etdi: – “əziz onbirincilər, bizim dəyərlilərimiz, məktəbimizin dəcəl, şıltaq, kövrək, dogma və sevimli balaları, sizləri təbrik edirik. Sizlər dünyaya səpələnəcəksiniz! - Səsiniz-sədanız hər yerə yayılacaq! Bu zəngin səsi illər sonra da xatirələrinizdə səslənəcək. Lakin unutmayın ki, həqiqətən də bu son deyil! Hər son yeni başlanğıcdır! Başlanğıcınız mübarək olsun. Məktəbimizin dəyərli müəllim kollektivi də sizlərə xeyir-dua verir.
Məktəbin məzunu İsmayılov Məhəmməd "BİLİK AÇARI"nı məktəbin X sinif şagirdi Hüseynov Ömərə təqdim etdi və SON ZƏNG çalındı!!!

Onu da qeyd edək ki, tədbirimizdə Binəqədi rayon M.Rəsulzadə qəsəbəsinin Icra nümayəndəsi Səlcuq Müzəffərli də qonaq qismində iştirak edirdi.