“Bilik günü” qeyd edildi
Sentyabrın 16-da 94 nömrəli tam orta məktəbdə “Bilik günü” qeyd edildi. Bu gün münasibətilə məktəbin direktoru Şəmsəddin Vəliyev tədbir iştirakçılarını, xüsusilə də ilk dəfə məktəbə ayaq basan birinciləri təbrik etdi, onlara təhsildə uğurlar dilədi. Təbriklərə Sabunçu rayon İcra Hakimiyyətinin nümayəndəsi, direktor müavinləri Nailə Həsənova, Rəhilə Tağıyeva, Hicran İsmayılova, birinci sinif müəllimləri də qoşularaq məktəbin pedaqoji kollektivinə, şagirdlərə yeni tədris ilində müvəffəqiyyətlər arzuladılar. Sonra söz birincilərə verildi. Onların ifasında şeirlər, mahnılar dinlənildi. Sonda ilk dərs gününün başlandığını xəbər verən zəng çalındı.
