"Son zəng" tədbiri keçirildi
İyunun 14-də 94 nömrəli tam orta məktəbdə “Son zəng” tədbiri keçirildi. Tədbiri giriş sözü ilə məktəbin direktoru Şəmsəddin Vəliyev açaraq cari tədris ilinin məzunlarını bu gün münasibətilə təbrik etdi, onlara yeni həyat yollarında uğurlar dilədi. Təbriklərə direktor müavinləri Nailə Həsənova, Rəhilə Tağıyeva, Hicran İsmayılova, məzunların sinif rəhbərləri, müəllimlər, valideynlər, şagirdlər və dəvət olunmuş qonaqlar da qoşularaq məzunlara gələcək işlərində müvəffəqiyyətlər arzuladılar. Tədbir musiqi nömrələri, rəqslər, maraqlı səhnəciklər, idman yarışlarında uğur əldə etmiş şagirdlərin çıxışları ilə davam etdirildi. Sonda birinci sinif şagirdləri tərəfindən “Son zəng” çalındı.
