Gözəllik bayramı
Martın 6-da 94 №li tam orta məktəbdə yazın ilk ayına təsadüf edən 8 Mart Beynəlxalq Qadınlar Günü geniş qeyd edilmişdir. Bu bayram münasibətilə şagirdlər qadına – anaya, nənəyə, müəlliməyə həsr olunmuş divar qəzetləri, rəsmlər işləmiş, yumor dolu səhnəciklərdən, şeirlərdən, mahnılardan ibarət bayram tədbiri hazırlamışlar. Məktəb rəhbərliyi gül ətirli bu xoş bayram münasibətilə qadın heyətini təbrik etmiş, onlara daima çiçəklər kimi təzə-tər, qəlblərinin sevgi dolu, həyatda atdıqları addımların uğurlu olmasını, çöhrələrindən sevinc, gözlərindən daima nur yağmasını arzu etmişdir. Sonra təbrikə qoşulan şagirdlər hazırladıqları maraqlı bayram proqramını təqdim etmişlər.
