“Narkomaniya - əsrin bəlası” mövzusunda tədbir keçirilmişdir
Martın 27-də 94 nömrəli tam orta məktəbdə “Narkomaniya - əsrin bəlası” mövzusunda maarifləndirici tədbir keçirilmişdir. Tədbirdə məktəbin yuxarı sinif şagirdləri və rəhbərlik iştirak etmişlər. Tərbiyə işləri üzrə direktor müavini Hicran İsmayılova narkotik maddələrin ziyanı, narkomaniyanın faciəvi fəsadları barədə şagirdlərə məlumat vermişdir. Sonra məktəbin direktoru Şəmsəddin Vəliyev çıxış edərək narkomaniya, narkotik vasitələr, tütün və tütün məmulatlarının orqanizmə zərərli təsiri haqqında şagirdlərlə söhbətlər aparmışdır. Tədbirin sonunda narkomaniyanın insan həyatını acınacıqlı vəziyyətə gətirib çıxarılmasını əks etdirən sənədli film nümayış olunmuşdur.
