“Qəhrəmanlar unudulmur!” adlı tədbir keçirilmişdir
Dekabrın 13-də 94 nömrəli tam orta məktəbdə Sovet İttifaqı Qəhrəmanı Mehdi Hüseynzadənin anadan olmasının 100 illiyinə həsr olunmuş “Qəhrəmanlar unudulmur” adlı tədbir keçirilmişdir. Tədbirdə məktəb rəhbərliyi, müəllimlər, şagirdlər və valideynlər iştirak etmişlər. Tədbiri giriş sözü ilə açan tərbiyə işləri üzrə direktor müavini Hicran İsmayılova Mehdi Hüseynzadənin Böyük Vətən müharibəsində keçdiyi şərəfli döyüş yolundan danışmışdır. Sonra söz məkətbin şagirdlərinə verilmişdir. Şagirdlər Mehdi Hüseynzadənin müəllifi olduğu şeirləri ifa etmiş, qəhrəmanlıq ruhunda yazılmış mahnılar səsləndirmiş, igid partizanın döyüş yolundan bəhs edən “Uzaq sahillərdə” povestindən səhnələşdirilmiş hissələr təqdim etmişlər.
