Ümummilli Lider Heydər Əliyevi anırıq
Dekabrın 12-də 94 nömrəli tam orta məktəbdə Ümummmilli Lider Heydər Əliyevin xatirəsinə həsr olunmuş tədbir keçirilmişdir. İlk öncə Heydər Əliyevin xatirəsi tədbir iştirakçıları tərəfindən bir dəqiqəlik sükutla yad edilmişdir. Sonra məktəbin direktoru Şəmsəddin Vəliyev çıxış edərək Heydər Əliyevin ictimai-siyasi fəaliyyətindən danışmış, onun təhsilə böyük əhəmiyyət verdiyini, ölkəmizin hərtərəfli tərəqqisində təhsilin böyük rolunu həmişə yüksək dəyərləndirdiyini bildirmişdir.
Təlim-tərbiyə işləri üzrə direktor müavini Rəhilə Tağıyeva, məktəb Həmkarlar Təşkilatının sədri Gülnarə Əliyeva, tarix müəllimi Əzizə Məmmədova və başqaları çıxış edərək Ulu Öndər Heydər Əliyevin Azərbaycan xalqının taleyində, dövlət quruculuğunda misilsiz xidmətlərindən söz açmış, ən mühüm məsələlərin həllində qətiyyətli sözünü deməyi bacaran nəhəng bir siyasətçi olduğunu vurğulamışlar.
Tədbirin sonunda Heydər Əliyevin büstü önünə gül-çiçəklər qoyulmuşdur.
