On birincilərin "Son zəng" tədbiri
İyunun 14-də 94 nömrəli tam orta məktəbdə “Son zəng” tədbiri keçirilmişdir. Tədbiri giriş sözü ilə məktəbin direktoru Şəmsəddin Vəliyev açmışdır. O, cari tədris ilinin məzunlarını bu gün münasibətilə təbrik edərək yeni həyat yollarında uğurlar diləmişdir. Təbriklərə direktor müavinləri Nailə Həsənova, Rəhilə Tağıyeva, Hicran İsmayılova, məzunların sinif rəhbərləri, müəllimlər, valideynlər, şagirdlər və dəvət olunmuş qonaqlar da qoşularaq məzunlara müvəffəqiyyətlər arzulamışlar. Məktəbi uğurla başa vurmuş, müxtəlif fənn olimpiadalarında fərqlənmiş şagird və məzunlara tərifnamələr təqdim olunmuşdur. Tədbir musiqi nömrələri, rəqslər, maraqlı səhnəciklər ilə davam etdirilmişdir. Sonda birinci sinif şagirdləri tərəfindən “Son zəng” çalınmışdır.
