Bayram tədbiri keçirilmişdir
Dekabrın 29-da 94 nömrəli tam orta məktəbdə 31 dekabr - Dünya Azərbaycanlılarının Həmrəylik Günü və Yeni il münasibətilə məktəbin akt zalında geniş bayram tədbiri keçirilmişdir. Tədbiri giriş sözü ilə tərbiyə işləri üzrə direktor müavini Hicran İsmayılova açmışdır. O, tədbir iştirakçılarını qarşıdan gələn bayramlar münasibətilə təbrik etmiş, onlara uğurlar arzulayaraq sözü məktəbin şagird kollektivinə vermişdir. Şagirdlər maraqlı və rəngarəng bayram proqramı ilə çıxış etmişlər. Onların ifasındakı Vətən və Yeni ilə aid şeirlər, mahnılar, müxtəlif xalqların rəqsləri, yumor dolu səhnələr tədbir iştirakşıları tərəfindən alqışlarla qarşılanmışdır. Şaxta baba və Qar Qız isə tədbirə şən ovqat qatmışlar.
Sonda məktəbin direktoru Şəmsəddin Vəliyev təbriklərə qoşularaq 2017-ci ilin son günlərində idman uğurlarına imza atmış şagirdləri tədbir iştirakçılarına təqdim etmişdir.
