Misilsiz səs sahibi Bülbülün 120 illiyi qeyd edilmişdir
Oktyabrın 30-da 94 nömrəli tam orta məktəbin kitabxanasında Azərbaycan professional vokal məktəbinin banisi Bülbülün anadan olmasının 120 illiyi münasibətilə tədbir keçirilmişdir. Tədbiri giriş sözü ilə məktəbin direktoru Şəmsəddin Vəliyev açaraq bu tədbirin ölkə Prezidentinin “Bülbülün 120 illik yubileyinin keçirilməsi haqqında” 11 may 2017-ci il tarixli Sərəncamına və “Bülbülün 120 illik yubileyinin keçirilməsi haqqında” Azərbaycan Respublikası təhsil nazirinin 2 avqust 2017-ci il 235 nömrəli əmrinə əsasən keçirildiyini qeyd etmişdir. O, Bülbülün həyat və yaradıcılığından, onun Azərbaycan musiqi mədəniyyətinə verdiyi töhfələrdən, ictimai fəaliyyətindən danışmışdır. Sonra tərbiyə işləri üzrə direktor müavini Hicran İsmayılova çıxış edərək Bülbülün təkrarolunmaz ifasında səslənən müğam və xalq mahnılarının, romans və ariyaların Azərbaycan musiqisinin qızıl fondunu təşkil etdiyini vurğulamışdır. Bülbül yaradıcılığı haqqında şagirdlərin məruzələri dinlənilmiş, ifa etdiyi əsərlər səsləndirilmişdir.
