“Bilik günü” qeyd edilmişdir
Sentyabrın 15-də ölkəmizin bütün ümumtəhsil müəssisələrində olduğu kimi 94 nömrəli tam orta məktəbdə də “Bilik günü” qeyd edilmişdir. Bu gün münasibətilə keçirilən tədbirdə məktəb rəhbərliyi, müəllimlər, şagirdlər, valideynlər və qonaqlar iştirak etmişlər. Giriş sözü ilə çıxış edən məktəbin direktoru Şəmsəddin Vəliyev tədbir iştirakçılarını, xüsusən də birinci dəfə məktəbə qədəm basan şagirdləri təbrik edərək onlara yeni tədris ilində uğurlar arzulamışdır. Daha sonra təlim-tərbiyə işləri üzrə direktor müavinləri Nailə Həsənova, Rəhilə Tağıyeva, birinci siniflərdə dərs deyəcək müəllimlər - Nazənim Abbasova, Lalə Hüseynova, Sevil Qasımova, Natalya Çuqunova, valideynlər və qonaqlar yeni tədris ilinin başlanması ilə bağlı öz təbrik və arzularını iştirakçılara bildirmişlər. Birincilərin ifasında məktəb, müəllim, vətən haqqında mahnılar, şeirlər səsləndikdən sonra şagirdləri parta arxasına səsləyən yeni tədris ilinin ilk zəngi çalınmışdır.
