“Son zəng” tədbiri keçirilmişdir
İyunun 14-də 94 nömrəli tam orta məktəbdə “Son zəng” tədbiri keçirilmişdir. Tədbiri giriş sözü ilə məktəbin direktoru Şəmsəddin Vəliyev açmışdır. O, cari tədris ilinin məzunlarını bu gün münasibətilə təbrik edərək onlara uğurlar diləmişdir. Təbriklərə direktor müavinləri Nailə Həsənova, Rəhilə Tağıyeva, Hicran İsmayılova, məzunların sinif rəhbərləri, müəllimlər, valideynlər, şagirdlər və dəvət olunmuş qonaqlar da qoşularaq məzunlara gələcək həyat yollarında müvəffəqiyyətlər arzulamışlar. Sonra məktəbi uğurla başa vurmuş məzunlara tərifnamələr təqdim olunmuşdur. Tədbir musiqi nömrələri, rəqslər, maraqlı səhnəciklər, idman yarışlarında uğur əldə etmiş şagirdlərin çıxışları ilə davam etdirilmişdir. Sonda birinci sinif şagirdləri tərəfindən “Son zəng” çalınmışdır.
