Birincilərin "Əlifba" sevinci
Mayın 23-də 94 nömrəli tam orta məktəbin akt zalında 1e sinfində “Əlifba” bayramı keçirildi. 1e sinfinin rəhbəri İrina Vladislavovna Botsulyak çıxış edərək tədbirdə iştirak edən məktəb müdiriyyətini, müəllim və şagird kollektivini, valideynləri salamlamış, birinciləri bu bayram münasibətilə təbrik etmişdir. Sonra söz məktəbin direktoru Şəmsəddin Vəliyevə verilmişdir. O da öz növbəsində birinci sinfi bitirmələri münasibətilə şagirdləri təbrik etmiş, sinif müəllimi İ.V.Botsulyaka şərəfli və məsulliyyətli işində uğurlar diləmişdir. Bundan sonra maraqlı konsert proqramı təqdim edən birincilər zalda şən əhval-ruhiyyə yaratmışlar. Onların hər bir çıxışı alqışlarla qarşılanmışdır.
