Qəlbimdə salam var Ana Xəzərdən.
Məktəbin kitabxanasında Nəbi Xəzrinin 100 illik yubileyinin qeyd edilməsi haqqında Azərbaycan Respublikası Prezidentinin Sərancamına əsasən Fəaliyyət Planının 24-cü bəndinə uyğun olaraq “Qəlbimdə salam var Ana Xəzərdən” adlı şeir saatı keçirilmişdir. Giriş sözü ilə çıxış edən kitabxana müdiri Səbinə Manafova xalq şairi Nəbi Xəzri haqqında danışıb, şairin poeziyasının gözəl nümunələrini yaratmaqla ədəbi dilimizin inkişafına töhfələr verdiyini söyləmişdir. 8a sinif şagirdləri Nəbi Xəzrinin həyat və yaradıcılığı haqqında məlumat verib, şairin vətənə, təbiətə həsr etdiyi şeirləri səsləndirdilər. Qəzet hazırlayıb kitabxanaya təqdim etdilər.
Məktəbdənkənar və sinifdənxaric tərbiyə işləri üzrə təşkilatçı Hicran İsmayılova görkəmli ədib haqqında təəssüratlarını bölüşmüş, şairlə olan xatirələrini şagirdlərə danışmışdır.
Azərbaycan dili və ədəbiyyat müəllimi Qəhrəmanova Maya Nəbi Xəzrinin qələmə aldiğı poemalar haqqında məlumat verib və şairin bütün zamanların söz adamı olaraq mənsub olduğu xalqın qəlbində həmişə yaşayacağını söyləmişdir.
Sonda kitabxanaçılar ictimai xadim Nəbi Xəzrinin kitablarını oxumağı şagirdlərə tövsiyə ediblər.
