“Dəmir Yumruqlu Zəfər tariximiz” adlı tədbir.
Məktəbin kitabxanasında Fəaliyyət Planının 15-ci bəndinə uyğun olaraq 8 Noyabr Zəfər Bayramına həsr olunmuş “Dəmir Yumruqlu Zəfər tariximiz” adlı tədbir keçirilib. Azərbaycan Respublikasının Dövlət Himninin ifası ilə başlayan tədbirdə vətənimizin azadlığı uğrunda canlarını fəda edən şəhidlərimizin müqəddəs ruhları bir dəqiqəlik sükutla yad edilib. Kitabxana müdiri Səbinə Manafova çıxış edərək “Dəmir Yumruq”əməliyyatının Zəfər Qələbəsindən danışıb. 3, 6 və 8- ci sinif şagirdləri Qarabağ Zəfəri, vətənpərvərlik və 9 Noyabr Dövlət Bayrağı Gününə həsr olunmuş mətn və şeirlər səsləndirib, mahnılar ifa ediblər.
Tədbirdə iştirak edən məktəb direktoru Nuridə Qarayeva çıxış edərək tədbir iştirakçılarını bu möhtəşəm gün münasibəti ilə təbrik edib, 44 günlük qəhrəmanlıq savaşımızın tarix boyu şanlı qürur mənbəyimiz olduğunu söyləyib.
Sonda şagirdlərimiz “ Qarabağ Azərbaycandır” şüarını səsləndiriblər.
