Narkomaniyaya qarşı mübarizə sahəsində maarifləndirmə tədbiri
Məktəbdə narkomaniya, onun törətdiyi fəsadlar və bu sahədə aparılan mübarizəyə həsr olunmuş maarifləndirici tədbir keçirilib. Narkomaniyanın cəmiyyətə və insanların sağlamlığına vurduğu ziyanı şagirdlərə çatdırmaq məqsədilə psixoloq Məsumə Həsənəliyeva "Narkomaniya ilə mübarizə” mövzusunda söhbət aparıb. Məktəbin müəllim-şagird kollektivinin iştirak etdiyi tədbirdə narkomaniya, onun törətdiyi fəsadlar və bununla bağlı ölkəmizdə aparılan mübarizə tədbirləri barədə məktəblilərə geniş məlumat verilib. Sonda məktəbin direktoru Şəmsəddin Vəliyev "Ağ ölüm"ün ailə və cəmiyyət üçün yaratdığı problemlərdən danışıb, gələcəkdə zərərli vərdişlərdən qorunmaq üçün yeniyetmələrin hər zaman diqqətli olmasının, narkotiklərin qanunsuz dövriyyəsi ilə məşğul olan şəxsləri gördükdə və ya bu barədə hər hansı bir informasiya əldə etdikdə dərhal müəllim və ya valideynlərinə, eləcə də polis əməkdaşlarına məlumat verməsinin vacibliyini diqqətə çatdırıb.
