" Mən oxudum siz də oxuyun" adlı tədbir
Məktəbin kitabxanasında kitabxana müdiri Səbinə Manafova tərəfindən "2 Aprel - Beynəlxalq Uşaq Kitabı Günü" nə aid " Mən oxudum siz də oxuyun" adlı tədbir keçirilib. Tədbirdə 3 "A" sinif şagirdləri və sinif rəhbəri Sima Quliyeva iştirak ediblər. Səbinə Manafova " 2 Aprel -Beynəlxalq Uşaq Kitab Günü" haqqında məlumat verib, mütaliənin və kitab oxumağın vacibliyindən danışıb. Tədbirdə Zahid Xəlilin "Kralın kreslosu" adlı kitabından hekayələr ifadəli oxunub. Sonra şagirdlər öz sual və fikirlərini səsləndiriblər, kitab haqqında atalar sözləri və şeirlər danışıblar.
Məqsədimiz mütaliəni sevdirmək,oxumağın dəyərini anlatmaq və kitaba sevgini aşılamaqdır.
