Biliklərə gedən yol
Bakı şəhəri 94 nömrəli tam orta məktəb tez-tez qonşu məktəblərlə, kitabxanalarla, uşaq bağçaları ilə müxtəlif tədbirlər keçirir. Belə tədbirlərdən biri də oktyabrın 6-da Şəhriyar adına uşaq kitabxanası ilə birgə keçirilmiş “Biliklərə gedən yol” adlı kitab sərgisi olmuşdur. Məktəbin həyətində təşkil edilmiş sərgidə müəllimlər, valideynlər, şagirdlər, kitabxananın əməkdaşları iştirak etmişlər. Kitabxanaya üzv olmaq istəyənlər elə yerindəcə qeydiyyata alınırdılar. Ümumiyyətlə kitab sərgisi tədbir iştirakçılarının böyük marağına səbəb oldu.
