Yeni dərs ili başlanır
Bu gün ölkəmizin bütün ümumtəhsil müəssisələrində olduğu kimi Bakı şəhəri 94 nömrəli tam orta məktəbdə də 15 sentyabr – Bilik günü qeyd edilmişdir. Bu gün ilə əlaqədar məktəbdə toplantı keçirilmişdir. Toplantını giriş sözü ilə məktəbin direktoru Şəmsəddin Vəliyev açaraq ötən tədris ilinin yekunlarından və qazanılmış uğurlardan danışmışdır. Sonra yeni tədris ilinin başlanması münasibətilə müəllimləri, şagirdləri, valideynləri, ilk dəfə məktəbə ayaq basan birinciləri təbrik edərək onlara müvəffəqiyyətlər arzulamışdır. Bu təbriklərə məktəbin təlim-tərbiyə işləri üzrə direktor müavinləri Nailə Həsənova, Rəhilə Tağıyeva, tərbiyə işləri üzrə direktor müavini Hicran İsmayılova, birinci siniflərdə dərs deyəcək müəllimlər – İradə Nəbiyeva, Leyla Qarayeva, Gülnarə Əliyeva, valideynlər də qoşularaq hər bir kəsə təhsildə uğurlar diləmişlər. Sonda birinci sinif şagirdlərinin ifasında şeirlər, mahnılar səslənmiş və ilk zəng çalınaraq şagirdləri parta arxasına çağırmışdır.
