Beşinci sinfə keçirik
İyunun 4-də 94 nömrəli tam orta məktəbdə 4e sinfinin şagirdlərinin iştirakı ilə “Biz beşinci sinfə keçirik” adlı tədbir keçirilmişdir. Tədbirdə məktəb rəhbərliyi, müəllimlər, valideynlər və şagirdlər iştirak etmişlər. Tədbiri giriş sözü ilə 4e sinfinin müəllimi Gülnarə Əliyeva açaraq şagirdləri səhnəyə dəvət etmişdir. Şagirdlər hazırladıqları rəqsləri, mahnıları, səhnəcikləri boyük həvəslə təqdim edərək zalda şən əhval-ruhiyyə yaratmışlar. Sonra söz məktəbin direktoru Şəmsəddin Vəliyevə verilmişdir. O, dördüncüləri ibtidai təhsil səviyyəsini başa vurmaqları münasibətilə təbrik etmiş, gələcək təhsil pillələrində uğurlar arzulamışdır
