Ümummilli lider Heydər Əliyevin xatirəsi anılıb
Dekabrın 12-də 94 nömrəli tam orta məktəbdə Ümummmilli lider Heydər Əliyevin xatirəsinə həsr olunmuş tədbir keçirilib. İlk öncə tədbir iştirakçıları Heydər Əliyevin xatirəsini bir dəqiqəlik sükutla anıblar. Məktəbin direktoru Şəmsəddin Vəliyev çıxış edərək Heydər Əliyevin ictimai-siyasi fəaliyyətindən danışıb, elm, təhsil, mədəniyyət sahələrinin inkişafındakı əvəzolunmaz xidmətlərindən bəhs edib.
Çıxış edən digər iştirakçılar da Ulu Öndər Heydər Əliyevin müasir Azərbaycan dövlətinin qurulması istiqamətində göstərdiyi xidmətlərdən söz açıblar.
Tədbirin sonunda Heydər Əliyevin büstü önünə gül-çiçəklər qoyulmuşdur.
