9 №-li tam orta məktəb

İyunun 12-də Bakı Şəhəri üzrə Təhsil İdarəsinin (BŞTİ) təşkilatçılığı ilə Bakı məktəblilərinin I Forumu keçirilib.

 Forumun təşkil olunmasının əsas məqsədi “Ümumi təhsildə keyfiyyət ili” çərçivəsində istedadlı şagirdlərlə aparılan işin əhatə dairəsini genişləndirmək, gənc nəslin düzgün istiqamətdə formalaşmasına töhfə vermək, onların intellektual inkişafını diqqət mərkəzində saxlamaq, istedad və qabiliyyətlərini inkişaf etdirməkdən ibarətdir.

Forumda BŞTİ-nin müdiri Məhəbbət Vəliyeva, Təhsil İnstitutunun istedadlı uşaqlarla iş şöbəsinin müdiri Fuad Qarayev, İdarənin müvafiq struktur bölmə rəhbərləri, məktəb direktorları, şagirdlər və KİV nümayəndələri iştirak ediblər.

Dövlət himninin səsləndirilməsi ilə başlayan tədbirdə çıxış edən BŞTİ-nin müdiri Məhəbbət Vəliyeva istedadlı şagirdlərin vaxtında aşkara çıxarılması, onların həvəsləndirilməsi, yaradıcılığa və elmə maraqlarının artırılması, nəzəri və təcrübi biliklərinin təkmilləşdirilməsi, şagirdlərin məntiqi biliklərinin möhkəmləndirilməsi, onlara beynəlxalq və yerli olimpiadalarda iştirak təcrübəsinin qazanılması baxımından son illərdə əldə olunmuş nailiyyətlərdən bəhs edib.

M.Vəliyeva 2017-2018-ci tədris ili ərzində BŞTİ-nin tabeliyindəki təhsil müəssisələri şagirdlərinin həm ölkə, həm də beynəlxalq səviyyəli müsabiqələrdə böyük nailiyyətlər qazanmasının qürurverici olduğunu bildirib. İdarə müdiri bundan sonra da bu istiqamətdəki uğurların davamlı olacağını, paytaxt məktəblilərinin bütün sahələrdə ölkəmizi layiqincə təmsil edəcəyinə əminliyini söyləyib.

Həmçinin, Azərbaycan Xalq Cümhuriyyətinin 100 illiyi münasibəti ilə tədbir iştirakçılarını təbrik edən İdarə müdiri qeyd edib ki, bugünkü Forumu Bakı məktəblilərinin tədris ilinin yekun hesabat tədbiri kimi də dəyərləndirmək olar.

Daha sonra məktəblilərin ifasında Forumun himni səsləndirilib.

Bakı məktəblilərinin I Forumunda şagirdlərin ifasında zəngin ədəbi-bədii kompozisiyalar nümayiş etrilib, mahnılar və rəqslər ifa olunub.

Tədbirdə ümummilli lider Heydər Əliyev və ulu öndərin siyasi kursunu uğurla davam etdirən Prezident İlham Əliyevin dövlət və xalq üçün göstərdiyi xidmətlərdən, eləcə də elm, təhsil, idman, incəsənət və digər sahələr üzrə yüksək nailiyyətlər qazanmış şagirdlərin uğurlarından bəhs edən videoçarxlar nümayiş olunub.

Daha sonra Bakı məktəbliləri adından Forum iştirakçılarının müraciəti oxunub. Müraciətdə paytaxt məktəblilərini öz ətrafında birləşdirən yeni təşkilatın yaradılması təklifi irəli sürülüb.

Sonda Forum iştirakçıları qonaqlarla xatirə şəkli çəkdirib.

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində Azərbaycan Xalq Cümhuriyyətinin (AXC) yaradılmasının 100 illik yubileyi ilə əlaqədar silsilə tədbirlər, mühazirə, konfrans, seminar və “Dəyirmi masa”lar keçirilib.

Tədbirlərdə BŞTİ, rayon icra hakimiyyətləri, müxtəlif idarə və təşkilatların nümayəndələri, təhsil  müəssisələrinin rəhbərləri, müəllimlər və şagirdlər iştirak ediblər.

Dövlət himninin səsləndirilməsi ilə başlayan tədbirlərdə AXC-nin tarixindən, keçdiyi inkişaf yolundan, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələrdən söhbət açılıb. Qeyd olunub ki, 1918-ci il mayın 28-də elan olunan Azərbaycan Xalq Cümhuriyyəti tarixin ən çətin dövründə üzərinə götürdüyü şərəfli missiyanı uğurla yerinə yetirib.

Tədbirlərdə çıxış edənlər müsəlman Şərqində ilk demokratik respublika olan Azərbaycan Xalq Cümhuriyyəti dövründə irqi, milli, dini, sinfi bərabərsizliyin ləğv edildiyini, bütün vətəndaşların hüquq azadlığının təmin olunduğunu, qadınlara kişilərlə bərabər seçki hüququ verildiyini, ölkənin sərhədlərinin müəyyənləşdirildiyini, dövlət bayrağının qəbul olunduğunu, himn və gerbin hazırlandığını diqqətə çatdırıblar.

"Cümhuriyyət tariximizin qızıl səhifəsidir", “AXC-100 il”, “Azərbaycan dünyam mənim”,  "Azərbaycan Xalq Cümhuriyyəti Şərqdə və müsəlman dünyasında ilk parlamentli demokratik respublikadır", “Cümhuriyyət-100”, "Azərbaycanın dünəni və bu günü", “Müstəqil dövlətimiz Xalq Cümhuriyyətinin varisidir”, "Bir kərə yüksələn bayraq bir daha enməz!" adlı tədbirlərdə şagirdlər AXC-nin 100 illik yubileyinə həsr olunmuş şeirlər söyləyib, mahnılar oxuyub, ədəbi-bədii kompozisiyalar nümayiş etdiriblər.

Bundan əlavə, tədbirlərdə AXC-nin fəaliyyəti və həyata keçirdiyi tədbirlərdən, dövlətçilik tariximizdəki rolundan bəhs edən videoçarx və filmlər göstərilib. Həmçinin, fotostendlərə, şagirdlərin əl işlərindən ibarət sərgilərə baxış keçirilib.        

24.05.2018-ci il tarixdə məktəbin akt zalında ‘’ Cümhuriyyətin 100 illiyi ‘’ nə həsr olunmuş ədəbi-bədii kompazisiya keçirildi.Tədbir bütün iştirakçıların himni oxuması ilə başlandı.Respublikamızın bütün bölgələrini təmsil edən şagirdlərin milli adət-ənənəyə uyğun geyimləri, hər bir bölgəni təmsil edən təamlarla səhnəyə gəlişi və yumorlu çıxışları çox böyük alqışlarla qarşılandı.Tədbirdə Cümhuriyyətin yaradıcıları anıldı, Azərbaycanımıza həsr olunmuş şerlər, mahnılar səsləndi.Tədbirin sonunda Nəsimi rayonu İcra Hakiminin birinci müavini Gülarə Verdiyeva çıxış edərək tədbiri çox bəyəndiyini söylədi və tədbirin iştirakçılarına, təşkilatçılarına, şəxsən məktəbin direktoru Zinyət Əhmədovaya öz təşəkkürünü bildirdi.

22.05.2018-ci il tarixdə məktəbin kitabxanasında Cümhuriyyətin 100 illiyinə həsr olunmuş tədbir keçirildi.Tədbirdə iştirak edən 7-ci sinif şagirdləri və bütün iştirakçılar çox böyük coşqu ilə dövlət himnimizi səsləndirdilər.Sonra dövlətçiliyimizin əsasını qoyan ADR, onun yaradıcısı M.Rəsulzadə və onun silahdaşları haqqında maraqlı materiallar təqdim olundu.

10.05.2018-ci il tarixdə məktəbin 7-ci sinif şagirdləri öz sinif rəhbərləri ilə birlikdə ‘’N.Nərimanov’’ ev muzeyinə getmişdilər.Orada muzeyin bələdçisi şagirdlərə görkəmli şəxsiyyət həqqında ətraflı maraqlı, məlumatlar verdi.