Beynəlxalq Ana Dili Gününə həsr olunmuş sinif təşkilat saatları keçirilib.
Dil bütün dəyərləri qoruyub saxlayan, nəsildən-nəslə ötürən, hər bir xalqın milliliyini, mənəvi dəyərlərini yaşadan, inkişaf etdirən ən dəyərli sərvətimizdir!
Məktəbdə Beynəlxalq Ana Dili Günü münasibətilə sinif təşkilat saatları keçirilib. Sinif rəhbərləri şagirdlərə Azərbaycan dilinin dövlət dili səviyyəsinə yüksəldilməsində Ümummilli Lider Heydər Əliyevin tarixi xidmətlərindən, Azərbaycan dövlətinin hər zaman milli-mənəvi dəyərlərin qorunmasına və dilimizin inkişafına böyük qayğı ilə yanaşmasından söhbət açıblar. Bildirilib ki, dil hər bir millətin mənəvi irsini yaşadan və inkişaf etdirən ən mühüm vasitədir. Hər bir insan ana dilini yaxşı bilməli və onu qorumalıdır. Çünki ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır.
Sinif təşkilat saatlarında şagirdlər ana dilimizə həsr edilən şeirlər və mahnılar oxuyub, dahilərin müdrik kəlamlarını xatırlayıb, ədəbi-bədii kompozisiyalar nümayiş etdiriblər. Həmçinin Azərbaycan dilinin inkişafına həsr olunmuş videoçarxlar göstərilib.
Sinif-4D
Sinif rəhbəri-Ağayeva Xəyalə
