Şagird təhlükəsizliyi ilə bağlı seminar keçirildi
Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin təlimatına əsasən yanvarın 29-da məktəb rəhbərliyi məktəbin psixoloqları, təlim-tərbiyə işləri üzrə direktor müavinlər və sinifdənxaric və məktəbdənkənar tərbiyə işləri üzrə direktor müavininin iştirakı ilə seminar keçirdi. Seminarda təhsilalanlar arasında risk qrupuna daxil olanların müəyyənləşdirilməsi, onlarla aparılan işin gücləndirilməsi, məktəbdə təhlükəsizliyi təmin etmək üçün nəzarətin, mühafizə işinin, (kənar şəxslərin ümumi təhsil müəssisəsinə buraxılmaması), növbətçiliyin gücləndirilməsi, müəllimlər və şagirdlər arasında psixoloji maarifləndirmə işinin mütəmadi şəkildə aparılması müzakirə edildi və məsul şəxslər təyin olundu.
