Kiçik akademiyanın hesabat iclası keçirildi
21.05.2019-cu il tarixdə Səbail rayonu 7№-li tam orta məktəbdə, kiçik akademiyanın hesabat iclası keçirilmişdir.İclasda yaradıcılıq, elmi tədqiqat işlərinə meyl, maraq göstərən, bu sahədə potensial imkanları ilə fərqlənən istedadlı kiçik akademiyanın üzvləri , müəllimlər, məktəb rəhbərliyi və illər öncə 7 №-li tam orta məktəbin məzunları olmuş, hazırda da məktəbimizlə sıx əməkdaşlıq edən, şagirdlərimizə örnək , dəstək olan BDU-nin professoru Akademik Babazadə Vasif, Biologiya Elmləri Doktoru professor Naib Əminov, BDU-nın fəlsəfə elmləri doktoru Vaqif Qasımov, BDU-nun biofizika və molekulyar biologiya kafedrasının doktorantı Lalə Məmmədova,məktəbimizin valideyni hüquq üzrə fəlsəfə doktoru Mahir Məmmədov iştirak etmişlər. Hesabat iclasında həmçinin Səbail rayon məktəblərinin nümayəndələri də iştirak etmişlər.
Şagirdlərdə elmi dünyagörüş formalaşdırılması istiqamətində sistemli işin aparılması, tanınmış alim və mütəxəssisləri istedadlı şagirdlərlə işə cəlb edilməsindən danışılmış və şagirdlər öz qazandıqları uğurlarında məktəbdə fəaliyyət göstərən kiçik akademiyanın əhəmiyyətini vurğulamışlar. Şagirdlərimiz təqdimatlarını , layihələrini təqdim etdikdən sonra Akademik Vasif Babazadə və Fəllsəfə Elmləri Doktoru Vaqif Qasımov çıxış edərək öz ürək sözlərini şagirdlərimizə bildirdilər və onlara elm yolunda uğurlar arzuladılar.
