20 Yanvar faciəsi zamanı həlak olan şəhidlərimizin xatirəsi yad edildi
17 yanvar 2020-ci il tarixdə Səbail rayonu M.Rahim adına 7 nömrəli tam orta məktəbdə, məktəbin şagirdlərinin ifasında 20 Yanvar faciəsi ilə bağlı ədəbi-bədii kompozisiya nümayiş etdirilib.Tədbirdən öncə məktəbin şagirdləri ayrı-ayrı siniflər şəklində məktəbin foyesində 20 yanvar şəhidilərinin xatirəsinə düzənlənmiş güşənin önünə gül-çiçək dəstələri düzüblər.Anım tədbirində ilk öncə qanlı 20 Yanvar hadisələri zamanı həlak olan şəhidlərimizin əziz xatirəsi bir dəqiqəlik sükutla yad edilib. Daha sonra tədbir iştirakçıları məktəbin foyesində şagirdlərin 20 Yanvar faciəsinə həsr olunmuş rəsmlərindən ibarət sərgiyə baxıblar.
