Eksternat qaydasında imtahanların təşkili barədə Bakı Şəhəri üzrə Təhsil İdarəsinin müdirinin əmri
Əvvəlki illərdə ümumtəhsil məktəblərində oxuyub ümumi orta və tam orta təhsilini bitirə bilməyən şagirdlər üçün eksternat qaydasında imtahanların keçirilməsini təmin etmək məqsədilə ƏMR EDİRƏM: 1. Ümumi təhsil sektoru (A.Yusifov) eksternlərin ərizələrinin 01 aprel 2016-cı il tarixdən 20 aprel 2016-cı il tarixə kimi qəbul edilərək qeydiyyata alınmasını təmin etsin.2. Bakı Şəhəri üzrə Təhsil İdarəsinin tabeliyində fəaliyyət göstərən ümumtəhsil məktəblərinin direktorları rəhbərlik etdikləri məktəblərdə əvvəlki illərdə oxuyub təhsil sənədi ala bilməmiş vətəndaşların müvafiq prosedur qaydaları ilə bağlı məlumatlandırılmalarını və ərizələrinin BŞTİ-yə təqdim olunmasını təmin etsinlər.3. Ümumi orta və tam orta təhsil proqramları üzrə eksternat qaydasında imtahanların təşkili və keçirilməsi üçün Bakı şəhəri 45 nömrəli tam orta məktəb baza məktəbi olaraq müəyyən edilsin.4. 45 nömrəli tam orta məktəbin direktoru Nazilə Məmmədova imtahanların təşkili üçün zəruri təşkilati tədbirlərin görülməsini həyata keçirsin.5. Eksternlər üçün aralıq imtahanları 11, 12, 13 may 2016-cı il tarixlərdəkeçirilsin.6. İmtahanların sualları və qiymətləndirmə meyarları təsdiq edilsin (əlavə olunur).7. İnformasiya təminatı sektoru (İ.Abdullayeva) ərizələri qeydiyyata alınmış eksternlərin adlarının və imtahan nəticələrinin “Şagird-məzun” sisteminə daxil edilməsinə nəzarəti həyata keçirsin.8. İctimaiyyətlə əlaqələr sektoru (A.Tairquliyeva) sənədlərin qəbulu, imtahanların tarixi haqqında məlumatların Bakı Şəhəri üzrə Təhsil İdarəsinin internet səhifəsində yerləşdirilməsini, Ümumi sektor (S.Rəsulova) əmrin çoxaldılaraq ümumtəhsil məktəblərinə çatdırılmasını həyata keçirsinlər.9. Müdir müavini Nərgiz Səfərova bu əmrdən irəli gələn maliyyə məsələlərinin həll olunmasını təmin etsin.10. Əmrin icrasına nəzarət müdir müavini M.Kəsəmənliyə həvalə edilsin.Əsas: “Ümumi orta və tam orta təhsil səviyyələri üzrə sərbəst (eksternat) təhsilalma formasında təhsil alan şəxslərin buraxılış imtahanlarının təşkili haqqında Qaydaların” təsdiq edilməsi barədə Azərbaycan Respublikası təhsil nazirinin 21 fevral 2012-ci il tarixli 242 nömrəli əmri. Məhəbbət VəliyevaBakı Şəhəri üzrə Təhsil İdarəsinin müdiri18 mart 2016-cı il№125
