"Sən azadsan, Xarıbülbül!" adlı dərs
Bu gün "Zəfər Günü" və "Dövlət Bayrağı Günü" münasibətilə 3 B sinfində "Sən azadsan, Xarıbülbül" adlı dərs keçirildi. Dərsdə İlhamə müəllimə Vətən müharibəsində Azərbaycan xalqının da, dövlətinin də Qarabağın işğaldan azad olunması ilə bağlı var-qüvvəsini ortaya qoymasından, əsgər və zabitlərin döyüş tapşırıqlarını şərəflə yerinə yetirməsindən, Vətən, torpaq uğrunda canlarını fəda edərək Şəhidlik zirvəsinə ucalmasından danışdı. Uşaqlar dərsdə vətənpərvərlik ruhunda şeirlər söyləyib, mahnılar oxudular. "Sən azadsan, Xarıbülbül!" kompozisiyası, "Şuşanın dağları", "Azərbaycan bayrağı" rəqsləri ilə uşaqlar heyrətamiz çıxış etdilər. Maraqlı əl işləri, çəkdikləri rəsmlər, hazırladıqları "Qarabağ Azərbaycandır!" adlı divar qəzeti uşaqların nə qədər bacarıqlı, savadlı, vətənpərvər olduqlarına sübut idi. Buna görə İlhamə müəlliməyə təşəkkür edirik.
