59 №-li tam orta məktəb

Məktəbin fəaliyyət planına uyğun olaraq şagirdlərdə xalqımıza qarşı törədilmiş faciələr haqqında məlumatların artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği məqsədilə T.Bağırov adına 59 saylı məktəbdə UBTR Əhmədova Leyla, tarix müəllimi Məmmədli Sevinc müəllimənin iştirakı ilə Aprel döyüşlərinin 8-ci ildönümünə həsr olunmuş dəyirmi masa keçirildi.

03.04.2024-cü il tarixində T.Bağırov adına 59 saylı məktəbin VIII sinif şagirdləri ilə Məktəbdənkənar və sinifdənxaric tərbiyə işləri üzrə təşkilatçı Nəsirova Aynurə və məktəbin həkimi Möhübova Kəmalə “Erkən nigahın fəsadları” mövzusunda maariflədirici təlim keçirdilər.

Xətai rayon İcra Hakimiyyətinin təşkilatçılığı ilə keçirilən “Heydər Əliyev və Azərbaycan tarixi” adlı referat müsabiqəsində T.Bağırov adına 59 saylı məktəbin 9A sinif şagirdi Məmmədli Toğrul Xəqani oğlu fəal iştirakına görə Sertifikat ilə təltif olundu. Şagirdimizi və onun müəllimlərini təbrik edir, uğurlarının davamlı olmasını arzu edirik.

Məktəbin fəaliyyət planına əsasən şagirdlərdə xalqımıza qarşı törədilmiş faciələr haqqında məlumatların artırılması, xalqımızın qəhrəmanlıq salnaməsinin təbliği məqsədilə Məktəbdənkənar və sinifdənxaric tərbiyə işi üzrə təşkilatçı Nəsirova Aynurə, UBTR Əhmədova Leyla və tarix müəllimi Əbdülrəhmanova Yeganə müəllimənin iştirakı ilə T.Bağırov adına 59 saylı məktəbin VIII B sinif şagirdləri ilə 31 Mart Azərbaycanlıların soyqırımı gününə həsr olunmuş dəyirmi masa keçirildi. Burada şagirdlərə bu soyqırımın Azərbaycan xalqı və dövlətçiliyinin tarixində baş vermiş faciəli hadisələrdən biri olduğu, 31 Mart soyqırımında 50 minə yaxın azərbaycanlının qətlə yetirilmiş, on minlərlə insan itkin düşməsi barədə məlumatlar verildi. Daha sonra şagirdlər soyqırıma həsr olunmuş təqdimatlarla çıxış etdilər, şeir nümunələri söylədilər.

30 Mart 2024-cü il tarixində T.Bağırov adına 59 saylı məktəbin şagirdləri “Şahin” hərbi-idman oyunlarının rayon mərhələsində uğurla iştirak ediblər. Hərbi rəhbər Hacıyev İlyası və komandanın hər bir üzvünü təbrik edir, uğurlar arzu edirik.