Məktəbdə 18 Oktyabr-Azərbaycanın Dövlət Müstəqilliyi Günü ilə əlaqədar silsilə tədbirlər keçirilib.
Azərbaycanın dövlət müstəqilliyinin bərpasının 27-ci il dönümünü qeyd etmək məqsədi ilə bütün siniflərdə vətənpərvərlik mövzusunda söhbətlər aparılmış, Azərbaycanın öz müstəqilliyini qazanması yolunda keçdiyi çətinliklərdən danışılmış, dövlət müstəqilliyindən bəhs edən videoçarxlar, sənədli filmlər göstərilmişdir. Tədbirlərdə məktəbin şagirdləri fəal iştirak etmiş, şeirlər söyləmiş, mahnılar ifa etmiş, ədəbi-bədii kompazisiyalar nümayiş etdirmişlər.
Məktəbin akt zalında 3b sinif şagirdləri "Yaşasın müstəqil Azərbaycan!" adlı geniş tədbir təşkil etmişlər. Tədbir məktəb rəhbərliyi, müəllimlər, valideynlər və şagirdlər tərəfindən rəğbətlə qarşılanmışdır.
