58 №-Lİ TAM ORTA MƏKTƏB

         1 İyun Uşaqların Beynəlxalq Müdafiəsi Günü ilə bağlı ingilis dilində "Biz dünyayıq" adlı ədəbi-bədii, musiqili tədbir keçirilmişdir. Tədbir ingilis dili metod birləşməsinin sədri Samirə Camalxanova və ingilis dili müəllimi Turanə Məmmədovanın birgə rəhbərliyi ilə yüksək səviyyədə hazırlanmışdır. Şagirdlər ingilis dilində şeirlər səsləndirmiş, mahnılar, rəqslər ifa etmişlər.

        Yekunda məktəbin direktoru Ulduzxan Abdullayev çıxış etdi. O, çıxışında ölkəmizdə uşaqların sosial və hüquqi müdafiəsi ilə bağlı görülən işlərdən danışdı. Uşaqlara qayğı möhtərəm Prezidentimiz İlham Əliyevin daim diqqət mərkəzindədir. Prezidentimizin Sərəncamı ilə 2009-cu il "Uşaq ili" elan olunmuşdur.

          Uşaqlar bizim gələcəyimizdir və ölkəmizin gələcəyi onların əlindədir, onların müdafiəsinə qoşulmaq hər birimizin borcudur.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

      17.05.2023 - cü il tarixdə məktəbdə Kiçik Akademiyanın tərkibindəki bölmələr üzrə elmi tədqiqat işlərinin təqdimatı keçirilmişdir.

      Tədbirdə Suada Səfərova, Fatimə Rəsulzadə "Müasir dövrdə π ədədi", Nuray Məmmədzadə, Roza Məmmədova, Mədinə Oruczadə,Ləman Namazova " Parazit qurdlar ", Əli İsmayılzadə, Kənan Həsənov , Fəqan Həsənov , Nihat Quliyev, Səməd Səfərzadə "Elektrikli təyyarə"adlı təqdimatla, Elnaz Hümmət, Telman Tabızadə və Ömər Mahmudlu nəşr etdikləri kitablarını təqdim etmişlər.

     Məktəbin 6-14 yaşlı şagirdləri elmə, innovasiyaya olan marağını formalaşdırmaq üçün Bilim Bakı Mərkəzində keçirilən təlimlərdə iştirak etmişdirlər.

      22.05.2023 - cü il tarixdə məktəbin biologiya müəllimi Ləman Məstəliyeva 7ç sinif şagirdləri ilə birgə AMEA - nın Zoologiya İnstitutunda ekskursiyada olmuşdurlar.