"Ölkəmizi tanıyaq" layihəsi çərçivəsində təşkil olunan maarifləndirici tur-aksiyada iştirak etdik
17-20 noyabr 2016-cı il tarixdə "Ölkəmizi tanıyaq" devizi ilə Bakı şəhəri Xətai rayon məktəbliləri Gəncə , Göy-Göl , Şəmkir rayonlarında tur-aksiyada iştirak etmişlər.58 nömrəli məktəbin şagirdi Şıxəlizadə Vahid Zahid oğlu da onların arasında olmuşdur.Məktəblilər Göy-Göldə sovet dövrünə aid Alman küçələrini, Alman kilsəsini , Gənclər Mərkəzini, Heydər Əliyev Mərkəzini, Şəmkirdə qədim Şəmkir , Heydər Əliyev Mərkəzini, Gəncədə İmamzadə məscid kompleksini, Şah Abbas Cümə məscidini , Cavad Xan küçəsini , Çökək hamamı, Nizami Gəncəvinin türbəsini , Nizami Gəncəvinin ata və anasının qəbrini ziyarət etmişlər.Tur-aksiyanın 3-cü günü Gəncə şəhərində keçirilən və 59 komandanın iştirak etdiyi "Nə ,Harada , Nə vaxt"adlı bilik yarışında Xətai rayon "Alpha"komandası 1-ci yerə "Yeddi gözəl" komandası isə 3-cü yerə layiq görülmüşdür.20 noyabr Bakı şəhəri ,Xətai rayonu, Heydər Əliyev parkında qarşılama mərasimi keçirilmişdir.Burada səlahiyyətli və əlaqədar orqanların nümayəndələri, şagirdlər və valideynlər çıxış etdilər.Şagirdlərin iştirak etdiyi yallıdan və milli musiqi kompozisiyasından ibarət fləşmob keçirildi.
