" Süfrə mədəniyyəti" mövzusunda açıq dərs
15 noyabrda Elza Səfərovanın sinif rəhbəri olduğu 3-cü sinif şagirdlərinin təqdimatında Texnologiya fənni üzrə “ Səhər, günorta, şam süfrələri” və “ Masa arxasında davranış qaydaları” mövzusunda nümunəvi dərs nümayiş olundu. Dərsin əsas məqsədi süfrələrə uyğun olaraq qabları və yemək alətlərini seçmək, onları masaya düzgün yerləşdirmək və süfrə arxasında düzgün davranış qaydalarını nümayiş etdirmək idi. Dərs iki hissədən ibarət idi. Birinci hissədə şagirdlər nəzəri biliklərini göstərərək mövzuya uyğun təqdimatlar hazırladılar. İkinci hissədə isə praktik biliklərini nümayiş etdirdilər. Qiymətləndirmə münsiflər heyəti tərəfindən əvvəlcədən hazırlamış meyarlara əsasən aparıldı.
