20 Yanvar faciəsinin 35-ci ildönümü
Tariximizə qara hərflərlə yazılmış 20 Yanvar faciəsinin 35-ci ildönümü ilə əlaqədar məktəbimizdə anım tədbiri keçirildi. Tarix müəllimi Zəminə Hüseynova şagirdlərə bu qanlı hadisənin səbəbləri, gedişatı və nəticələri haqqında geniş məlumat verdi. Tədbirin davamında şagirdlərin hazırladıqları təqdimatlar dinlənildi, həmçinin faciəyə həsr olunmuş slayd nümayiş etdirildi. Bu tədbir şagirdlərin tarixi hadisələrə daha dərindən yanaşmasını, milli yaddaşın qorunub saxlanılmasını və vətənpərvərlik hisslərinin güclənməsini təmin etdi.
