Pedaqoji Şuranın növbəti iclası keçirildi
17 noyabr 2023-ci il tarixində məktəbin Fəaliyyət planına uyğun olaraq Pedaqoji Şuranın növbəti iclası keçirildi.
İclası açıq elan edən məktəbin direktoru Xəyalə Qasımova pedaqoji kollektivi iclasın gündəliyi ilə tanış etdi. Daha sonra tədrislə bağlı görülmüş işlərdən, şagird davamiyyətindən, şagirdlərin Respublika Fənn Olimpiadalarına hazırlıq səviyyəsindən danışdı.
Məktəbin təlim -tərbiyə işləri üzrə direktor müavini Səidə Ağamalıyeva tədrisin keyfiyyətinin artırılması üçün qarşıda duran məsələlər, fənn aylıqlarının keçirilməsi haqqında çıxış edib.
İclasda məktəbin IX siniflərində əsas fənlər üzrə şagirdlərin hazırlıq göstəriciləri haqqında Azərbaycan dili, riyaziyyat, ingilis dili müəllimlərinin fikirləri dinlənildi.
Məktəbin həmkarlar sədri Cəfər Ələsgərov şagirdlərin nizam-intizam məsələlərinə toxunaraq müəllimlər tərəfindən nəzarətin güclənməsi istiqamətində təkliflərlə çıxış edib.
