8 Noyabr – Zəfər Günü
Məktəbimizdə 8 Noyabr – Zəfər Günü münasibətilə təşkil olunmuş tədbir çərçivəsində unudulmaz anlar yaşandı. Tədbirin təşkilatçıları Bayramova Ləman, Sərxani Fidan, Hüseynova Rəqsanə tədbiri açıq elan edib,tədbirin gedişatını məktəblilərə verdilər.
Tədbirdə məktəb rəhbərliyi, qazilər,veteranlar, şəhid anaları, müəllimlər və şagirdlərimiz Vətən sevgisi ilə dolu bir tədbirdə bir araya gəldilər. Məktəbimizin şəhid məzunları İsmayılzadə Vüsal və Əkbərli Əmrahın timsalında şəhidlərin xatirəsi 1 dəqiqəlik sükütla yad edildi . Daha sonra Ali Baş Komandan, Prezident İlham Əliyevin qətiyyətli rəhbərliyi ilə əldə edilmiş tarixi Zəfərimizdən bəhs edilərək, şagirdlərimizin bu qürurlu tarixi dərk etmələri üçün xüsusi vurğular edildi.
Tədbirin ən yaddaqalan məqamlarından biri isə şagirdlərimizin yüksək hazırlıqla qatıldığı paraddır. Çağırışaqədərki hazırlıq müəllimi Vüsal müəllimin təşkil etdiyi bu parad, şagirdlərimizin Vətənə olan sevgi və hörmətini nümayiş etdirdi və tədbirə əsl bayram ovqatı qatdı.
Şagirdlərimiz bu tədbirdə, şəhidlərimizin və qazilərimizin qəhrəmanlığı ilə yanaşı, Ali Baş Komandanın fədakar xidmətlərini böyük hörmətlə qeyd etdilər.
