Məktəblilər Azərbaycan Xalça muzeyində
Beynəlxalq Muzeylər Şurasının təşəbbüsü ilə 1977-ci ildən etibarən, 150-dən çox ölkədə, o cümlədən, Azərbaycanda 18 may tarixi “Beynəlxalq Muzey Günü” qeyd olunur. Bu münasibətlə, məktəblilər üçün təşkil olunan muzey həftəsi – “Muzeylər və Multikulturalizm” proqramına əsasən mayın 13-də Suraxanı rayon 317 nömrəli tam orta məktəbin bir qrup şagirdləri Azərbaycan Xalça Muzeyinin qonağı olublar. Muzeylərin əhatə dairəsi genişdir. Təhsil sahəsində muzey pedaqogikası bir sıra fənlərin canlanmasına güclü təsir göstərir. Muzeylər həm də maarifləndirici funksiya daşıyan mədəniyyət müəssisələridir.
