317 №-Lİ TAM ORTA MƏKTƏB

317 nömrəli tam orta məktəb Suraxanı rayonu, Zığ qəsəbəsi, İdris Süleymanov küçəsində yerləşir. Məktəb 15 sentyabr 2007-ci ildə Azərbaycan Respublikası Elm və Təhsil Nazirliyinin sifarişi ilə tikilmiş və Bakı Şəhəri üzrə Təhsil İdarəsinin tabeliyinə daxil edilmişdir. Məktəb bir tipli layihə əsasında qurulmuşdur və 840 şagird yerlikdir. Həyətyanı sahəsi 10,950 kvadrat metr təşkil edir. Hazırda məktəbdə 1047 şagird təhsil alır.

İnfrastruktur və şərait:

Məktəb müasir təhsil tələblərinə cavab verən geniş və komfortlu şəraitlə təmin olunmuşdur:

43 sinif otağı
Fizika və kimya laboratoriyaları
Dörd kompüter otağı
Geniş kitabxana
İdman zalı, idman meydançası və müasir idman avadanlıqları
100 yerlik akt zalı
Bufet və yaşıllıq zolağı

Tədris prosesi:

Məktəbdə 53 müəllim fəaliyyət göstərir və onlar yüksək peşəkarlıq səviyyəsi ilə seçilir. Müəllimlər Təhsilverənlərin Sertifikatlaşdırılması prosesində yüksək nəticələr əldə etmiş və məktəbin tədris səviyyəsini daha da yüksəltmişdir.

Əsas xarici dil kimi İngilis dili, ikinci xarici dil kimi isə Rus dili tədris olunur. Şagirdlərə müasir bilik və bacarıqlar qazandırmaq üçün rəqəmsal texnologiyalardan və interaktiv metodlardan istifadə edilir.

Layihələr və nailiyyətlər:

Məktəbdə "Rəqəmsal Bacarıqlar" və "STEAM" layihələri uğurla tətbiq olunur.
Son iki ildə məktəb Təhsildə İnkişaf və İnnovasiyalar üzrə qrant müsabiqələrinin iki layihəsi ilə qalib gəlmişdir.
Şagirdlər müxtəlif yerli və beynəlxalq olimpiadalarda iştirak edərək mükafatlar qazanmışdır.
Məktəb hər il ümumi və tam orta təhsil üzrə buraxılış imtahanlarında yüksək nəticələr göstərir və reytinq sıralamasında öncül yerlərdə qərarlaşır.

Məktəbin məqsədi:

317 nömrəli tam orta məktəb, şagirdlərini müasir dünyaya hazırlamaq, onların intellektual və yaradıcılıq qabiliyyətlərini inkişaf etdirmək, yüksək keyfiyyətli təhsil və tərbiyə vermək istiqamətində fəaliyyət göstərir. Müasir infrastruktur və peşəkar kadr heyəti məktəbin bu məqsədə nail olmasına şərait yaradır.

Məktəb kollektivi, şagirdlərinin uğurlarını artırmaq üçün daim inkişaf edir və yeni innovativ metodlar tətbiq edilir.

317 nömrəli tam orta məktəbin Vizyonu və Missiyası

Vizyon:
317 nömrəli tam orta məktəb olaraq vizyonumuz, müasir təhsil standartlarına uyğun, texnoloji biliklərə sahib, yaradıcı və milli-mənəvi dəyərlərə bağlı vətəndaş və şəxsiyyət yetişdirməkdir. Məqsədimiz, şagirdlərimizin bilik və bacarıqlarını beynəlxalq səviyyədə rəqabətə davamlı hala gətirərək onların gələcəyin yenilikçi cəmiyyətində fəal rol oynayan vətəndaşlara çevrilməsini təmin etməkdir.

Missiya:
Məktəbimizin missiyası, hər bir şagirdin fərdi potensialını aşkara çıxarmaq, onları həm nəzəri, həm də praktik biliklərlə zənginləşdirmək, sosial, emosional və intellektual inkişafını dəstəkləməkdir.
Bu məqsədə çatmaq üçün:

Yüksək ixtisaslı və peşəkar müəllim heyəti ilə keyfiyyətli təhsil vermək;
Müasir texnologiya və innovativ metodlardan istifadə edərək "Rəqəmsal Bacarıqlar" və "STEAM" kimi layihələri tədris prosesinə inteqrasiya etmək;
Milli və beynəlxalq olimpiada, yarış və layihələrdə şagirdlərin iştirakını təmin edərək onları dünyəvi uğurlara təşviq etmək;
Milli-mənəvi dəyərləri qorumaq və gəncləri vətənpərvər ruhda tərbiyə etmək.

317 nömrəli məktəb olaraq hər bir şagirdimizin uğurlu gələcəyinə körpü olmaq üçün daim yenilənir və inkişaf edir.