Yaşıl dünya naminə həmrəylik ili
Məktəbin fəal və könüllü VII və VIII sinif şagirdlərindən ibarət “Eko” klub yaradılmışdır. Klub ətraf mühit və təbii sərvətlərin mühafizəsinin təbliği, ekologiya və ətraf mühitin mühafizəsi istiqamətində şagirdlərlə daimi əlaqənin yaradılması və təbliğatı sahəsində şəbəkənin formalaşdırılması məqsədilə yaradılmışdır. “Eko” klubun üzvləri ibtidai sinif şagirdləri ilə ekoloji vəziyyətin yaxşılaşdırılması və ətraf mühitin mühafizəsi sahəsində görülmüş işlər haqqında maarifləndirici görüş təşkil etdi. Görüş ərzində klubun üzvləri viktorina təşkil etmiş, fəallıq göstərən ibtidai sinif şagirdlərini mükafatlandırmışdır. Sonda şagirdlər tərəfindən hazırlanan sosial mesajlı videoçarx izləndi.
