Məktəbəhazırlıq qruplarımız fəaliyyətə başladı
Oktyabrın 1-də məktəbəhazırlıq qruplarında 2019-2020-ci dərs ili üzrə ilk məşğələlərə start verildi.Məktəbin direktoru A.Əliyev uşaqları,onların valideynlərini bu münasibətlə təbrik edərək bildirdi ki,məktəbəhazırlıq qrupunun yaradılmasında məqsəd 5 yaşlı uşaqların məktəb təliminə hazırlığı ilə əlaqədar psixoloji dayanıqlığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.
Məktəbəhazırlıq qruplarında gün ərzində 3 məşğələ və həftədə 4 gün olmaqla, ümumilikdə 12 məşğələ keçirilir. Bir məşğələnin müddəti 30 dəqiqə, məşğələlərarası fasilə 10 dəqiqə müəyyənləşdirilib. “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi”, “Fiziki mədəniyyət” məşğələləri keçirilir.Qeyd olunan məşğələlər ibtidai sinif müəllimləri Könül Cəfərova və Vüsalə Abdullayeva tərəfindən tədris olunacaq.
