Xocalı faciəsinin 32-ci il dönümünə həsr olunmuş Anım günü tədbiri keçirildi
Xocalı faciəsinin 32-ci il dönümünə həsr olunmuş Anım günü tədbiri keçirildi. Tədbir Azərbaycan Respublikası Dövlət Himninin səslənməsi, Xocalı qurbanları və Vətən uğrunda canını fəda edən şəhidlərin bir dəqiqəlik sükutla yad edilməsi ilə başladı. XX əsrin ən dəhşətli müsibətlərindən olan Xocalı faciəsinin bəşər tarixində analoqu olmayan qanlı soyqırım aktı kimi tanınmasından danışıldı. Ardınca şagirdlərin ifasında Xocalı soyqırımı qurbanlarına həsr olunmuş müxtəlif şeirlər səsləndirildi,videoçarx nümayiş edildi.
