Ilk dərslər 20 Yanvar faciəsinə həsr edildi
Azərbaycan Respublikası təhsil nazirinin 20 Yanvar faciəsinin 31-ci ildönümü ilə bağlı F-05/01 nömrəli əmrinin icrasını təmin etmək məqsədilə ilk dərslər 20 Yanvar faciəsinə həsr edildi. Şagirdlər igid övladların fədakarlığını məhəbbətlə xatırlayıb, onların əziz xatirəsini böyük ehtiramla yad etdilər. Bakının ən möhtəşəm məkanında Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər xiyabanının xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrildiyini bildirdilər.Qeyd etdilər ki, şəhidlərimiz və Şəhidlər xiyabanı azadlığımızın, müstəqilliyimizin, milli iradəmizin simvolu kimi bundan sonrakı nəsillərə də bir qürur mənbəyi olacaqdır.
