I yarımilin yekunları ilə bağlı məktəb rəhbərliyi tərəfindən VIII-XI sinfin valideynlərilə görüş keçirilmişdir
I yarımilin yekunları ilə bağlı məktəb rəhbərliyi tərəfindən VIII-XI sinfin valideynlərilə görüş keçirilmişdir.
Fevralın 5-i 2024-cü il tarixdə Fəaliyyət Planına əsasən 2023/2024-cü tədris ilində I yarımilin yekunları və II yarımildə görüləcək işlər barəsində VIII-XI sinfin valideynlərilə görüş keçirilmişdir.
Valideynlərin məktəbə marağının ölçülməsi məqsədilə UBTR, sinifdənxaric və məktəbdənkənar tərbiyə işləri üzrə təşkilatçı vəzifəsini icra edən Sərxan Şahverdiyev qeydiyyat aparmış, valideyn-məktəb münasibətləri, təhlükəsizlik qaydaları haqqında söhbətlər aparılmışdır.
Məktəbin direktoru Nizami Qasımzadə valideyn-şagird-məktəb birliyi, şagirdlərin tədris vəziyyəti və.s cari məsələlər haqında geniş formatlı çıxış etdi.
Təlim-tərbiyə işləri üzrə direktor müavinləri Könül Həsənova, Aytəkin Əliyeva I yarımilin yekunları haqqında ümumi hesabatlı çıxış etdilər.
Ümumilikdə görüşdə aşağıdakı məsələlər müzakirə edilmişdir :
1. Şagird Davranış Qaydalarının tətbiqi və riayətin gücləndirilməsi;
2. Məktəbə aid olmayan əşyaların məktəbə gətirilməməsinin qadağan olunmasının bir daha xatırlatma edilməsi;
3. Etik davranış qaydalarına riayət;
4. Davamiyyətin müntəzəm nəzarətdə saxlanılması;
5. I yarımilin yekunları;
6. Cari məsələlər.
Qeyd : Görüşdə 200-ə yaxın valideyn iştirak etmişdir.
