300 №-li tam orta məktəb

V.Əvəzov adına 300№li tam orta məktəbin V-VIII sinif şagirdləri arasında “20 Yanvar” faciəsinin 30-cu ildönümü münasibəti ilə “Qanlı Yanvar” başlığı altında inşa müsabiqəsi keçirildi.

Azərbaycan dili müəllimi Nüşabə Quliyevanın rəhbərliyi ilə keçirilən inşa müsabiqəsində şagirdlər Vətənimizin müstəqilliyi uğrunda aparılan mübarizədən bəhs etmişlər.

Yanvarın 14-də 300№li tam orta məktəbin rus bölməsinin 3-cü sinif şagirdləri sinif rəhbərləri Zenfira Əmirova ilə birlikdə “Şəhidlər Xiyabanı”nı ziyarət ediblər. Şagirdlər xalqımızın azadlığı uğrunda şəhid olan qəhrəman övladların xatirəsini yad edərək şəhidlərin məzarları önündə Vətənimizin bütövlüyü uğrunda mübariz olacaqlarına söz verdilər.

30 dekabr 2019-cu il tarixdə məktəbin müəllimləri Fəridə Süleymanova və Olqa Kazımovanın təşkilatçılığı ilə Dünya Azərbaycanlılarının Həmrəyliyi Gününə həsr olunmuş və Yeni il bayramı münasibəti ilə “Yeni il” şənliyi keçirildi.

Şənlikdə məktəbin xaricdə yaşayan məzunlarının videogörüntülü təbrikləri, məktəbin V-X  sinif şagirdlərinin maraqlı və düşündürücü çıxışları oldu.

“Azərbaycanın görkəmli şəxsiyyətləri” silsilə tədbirlərindən Əhməd bəy Ağaoğlu haqqında 8b sinif şagirdləri ana dili müəllimi Həcər Mehdiyeva ilə birlikdə təqdimat etdilər.Təqdimatda Əhməd bəyin həyatı, yaradıcılığı, ictimai dövlət xadimi kimi gördükləri işlər haqqında fikirlər söylənildi.

Dekabrın 20-də “Valideynin məktəbdə bir günü” layihəsi çərçivəsində görüş keçirildi.  Görüşə dəvət olunmuş valideynlər ilk öncə yeni istifadəyə verilmiş  məktəblə yaxından tanış oldular , məktəbin direktoru İradə Xəlilova  valideynlərə məktəbin fəaliyyəti barədə ətraflı məlumat verdi və valideynlərlə birlikdə şagirdlərin əl işlərindən ibarət sərgiyə baxış keçirdilər. Valideynlərin  iştirakı ilə dərslər dinlənildi. Sonra  mütaliə vərdişlərini inkişaf etdirmək məqsədilə  B.Vahabzadənin “Vətəndaş” şeiri  şagirdlər və valideynlərin iştirakı ilə təhlil olundu.

 Şagirdlərin təqdim etdikləri ədəbi-bədii kompozisiya valideynlər tərəfindən alqışla qarşılandı.

Sonda məktəbin direktoru İradə Xəlilova  çıxış edərək şagirdlərin təlim-tərbiyəsində məktəb-valideyn münasibətlərinin mühüm rolunu qeyd etdi. Valideynlərə məktəblə  əlaqəni daha da genişləndirməyi tövsiyə etdi. Qonaqlar sonda “Rəy və təkliflər” kitabına öz fikirlərini yazdılar.