"Son zəng" tədbiri təşkil edildi
14.06.2025-ci il tarixdə ümumi təhsil müəssisələrində ənənəvi "Son zəng" tədbirinin keçirilməsi barədə Azərbaycan Respublikası Təhsil Nazirliyinin əmrinə uyğun olaraq məktəbimizdə ənənəvi formada "Son zəng" tədbiri təşkil edildi. Tədbirdə coğrafiya müəllimi Aidə Abbasova və rəhbərlik etdiyi 11A sinfi,biologiya müəllimi Sevinc Şıxəliyeva və rəhbərlik etdiyi 11B sinfi,ana dili və ədəbiyyat müəllimi Şövkət Bədəlova və rəhbərlik etdiyi 11C sinfi,ingilis dili müəllimi Təzəgül Cahidzadə və rəhbərlik etdiyi 11P sinfi, məktəbimizin direktoru
Rövşən Qasımov, təlim- tərbiyə işləri üzrə direktor müavinləri Lətafət İsmayılova, Asim Ələsgərli, tərbiyə işləri üzrə təşkilatçı Zümrüd Əliyeva, fənn müəllimləri,valideynlər iştirak etmişdir.Tədbir Azərbaycan Respublikasının Dövlət Himni ilə başladı. Tədbiri giriş sözü ilə açan məktəbimizin direktoru Rövşən Qasımov qonaqları salamlayaraq məzunlara xoş arzularını çatdırdı.Məktəbimizin şəhid məzunu Tahir Əliyevin atası Mahir Əliyev çıxış edərək məzunlara uğurlar arzuladı.Daha sonra məktəbin təlim-tərbiyə işləri üzrə direktor müavinləri,sinif rəhbərləri, fənn müəllimləri, valideynlər çıxış edərək məzunları təbrik etdilər,onlara müstəqil həyat yollarında uğurlar arzuladılar. Tədbirdə məzunların iştirakı ilə bir-birindən maraqlı rəqs nümunələri təqdim olundu.
