"Aşıq Ələsgər-200" adlı konfrans
28.09.2021-ci il tarixdə ustad şair Aşıq Ələsgərin 200 illik yubileyne həsr olunmuş konfrans keçirildi.Konfransda məktəbin tərbiyə işləri üzrə d/müavini Əliyeva Zümrüd Məmmədqulu qızı, dil-ədəbiyyat müəllimləri Qədirzadə Sevinc ,Babazadə Günəş Taleh, Niftiyeva Aysel Yusif qızı çıxış edərək aşıq sənəti ənənələrinə ən yüksək bədii-estetik meyarlarla yeni məzmun qazandırmış Aşıq Ələsgərin həyat və yaradıcılığı barədə məlumat verdilər.
Çıxışlarda bildirildi ki, snətkarın yubileyləri məhz Ulu öndərin təşəbbüsü ilə dövlət səviyyəsində qeyd edilmişdir.Böyük söz ustadının 150 illik yubiley mərasimləri keçirilərkən azərbaycanlıların əzəli yurdlarından olan qədim Göyçə mahalında ,doğulduğu kənddə Aşıq Ələsgərin qəbirüstü abidəsi ucaldılmışdır.
Qüdrətli söz ustadı Aşıq Ələsgərin yaradıcılığı ilə bağlı hazırlanmış video-təqdimat nümayiş etdirildi.Konfransda iştirak edən VI-IX sinif şagirdləri Aşıq Ələsgərin zəngin poetik irsi nümunələrini səsləndirdilər.
