"Məktəblərin Respublika Çempionatı" nın məktəbdaxili mərhələsi yekunlaşdı
18 oktyabr tarixində “Məktəblərin Respublika Çempionatı”nın atletika, voleybol, basketbol, şahmat və stolüstü tennis idman növləri üzrə məktəbdaxili yarışları yekunlaşdı. Qalib olan siniflər üzrə komandalar keçirilən məktəblər arasında respublika çempionatında iştirak etmək hüququ qazandılar. Yarışlar məktəbdaxili, rayondaxili, zona yarışları, final mərhələsi olmaqla, 4 mərhələ üzrə keçirilir. Çempionat ümumtəhsil məktəblərində təhsil alan şagirdlərin sağlam həyat tərzinə istiqamətləndirilməsi, onların asudə vaxtının səmərəli təşkili, idmana olan marağının artırılması məqsədi ilə gerçəkləşdirilir.
